Inrawkna an sawi nikhua chuan JFK International Airport, New York a thlawhna company, Lufthansa hovin bungrua an dahthatna rawkna hi sawi hmaih a ni ngai lo. Tunlai pawisaa maktaduai $27 aia tam an lak chhuahna a ni.
Kum 1970 chhovah khan John F. Kennedy International Airport hi khawvel pum huapa zin veivahna hmunpui a nih piah lamah, misual pawl, mob te lalram zau leh buarchuak tak huam chhungah a tel a.
JFK hi luh tlang awl tak mai kulh bang ang deuh reuh a ni. Chuti chung chuan nitin bungraw maktaduai tam tak, a then phei chu hlu tham tak tak - lunghlu, sahmul puan, thawmhnaw man to, electronics, leh pawisa fai te a lut zut zut thin a. Tlereuh dawrte chuan ram dang atangin tlereuh manto tak an chah a, ram dang bank-in America-ah pawisa an thawn luh chuan, a thlen khawmna chu he thlawhna tum hmun hi a ni.
Bungruate hi thlawhna tum hmuna an rawn thlen hnuah a bula kudamah an dahkhawm thin a. Chuta tang chuan a thiartu tur, Brinks armored car leh a dangte chu an hrilh a. Thiar chhuah leh thin an ni a. Pawn lamah hian rawk an tawk fo. A chhungah tak erawh chuan a hima ngaih thin a ni.
I think hei hi chu a tha vak rih lo a nih hi. Mahse kan hmang tho ang
Lufthansa airlines pawh hian an bungraw hlu tak tak phurhte chu an kudam, airport hungna hrula awm, in chhawng hniha sang, zau pui maiah chuan an dah thin a. Bungrua hrim hrim dahkhawmna bakah hian a hlu deuh chu val room an tih mai, thir kawngkhar pahnih nei chhungah an kalh khum thin a. Kawngkhar pahnihte hi heng hunlai hian chahbi pahniha hawn a ngai a, a pawnlang zawk kan khar loh a, a chhungril zawka mi an hawn chuan ralkhel dar a riin airport-a police te hrilh an ni nghal thin a. Hei hi an venhimna lian ber a ni ta mai awm e.
He chhek in hi misual rual, Lucchese leh Gambino mafia chhungkua te chuan an rawk a. Khawvela inrawknaah chuan nunna hek ber a ni ta awm e, inrawknaah chuan thi an awm lem lo. Mahse a hnu lehah ruang a chhuak nual a. A bultumtu ber chu James Burke-a a ni.